अबको दुइ बर्षमा साउदीमा ठूलो आर्थिक संकट आउने चेतावनी

३० वैशाख, एजेन्सी।

दुइ वर्ष पहिले ज्याक स्राइबरले भविष्यवाणी गरेका थिए तेलको मूल्यमा ऐतिहासिक संकट आउने छ। सो भविष्यवाणी अहिले सत्य सावित भएको छ। अहिले तीनै ज्याकले साउदी अरेबियामा ठुलो आर्थिक संकट निम्तिने चेतावनी दिएका छन्।

पोइन्ट स्टेट क्यापिटलका सिइयो रहेका ज्याकले सो भविष्यवाणीकै कारण आफ्नै कम्पनीलाई १ बलियन डलरको मुनाफा समेत गराएका थिए।

ज्याकले भविष्यवाणी गर्दा तेलको मूल्य प्रति ब्यारेल १०० डलर थियो। गत फ्रेब्रुअरीमा तेलको मूल्य अहिलेसम्मकै सबैभन्दा कम, २६ डलर प्रतिब्यारेल पुग्यो। जुन तेलमा आधारित अर्थतन्त्र भएका साउदी अरेबिया झै देशहरुको टाउको दुखाइ बन्न पुगेको छ।

साउदी अरेबिया भने अर्थतन्त्र उकास्ने तर्फ उन्मुख भएको छ। अघिल्लो हप्ता मात्र साउदी अरेबियाले आफ्नो तेल मन्त्रीलाई बर्खास्त समेत गर्यो।

ज्याक विश्वास गर्छन् कि अवस्था अझै नाजुक बन्नेछ।

‘भित्तामा ठोक्किनु अघि साउदीसंग अझै दुइ वा तीन वर्ष छ’, ज्याक भन्छन्। नेपालीहेडलाइन्समा समाचार छ |