कन्सर्ट सकेर अटोग्राफ दिँदै गर्दा अमेरिकी गायिका क्रिस्टिना ग्रिमीको गोली हानी हत्या भएको छ।
फ्लोरिडाको ओल्र्यान्डोस्थित द प्लाजा लाइभमा शुक्रबार उनीमाथि गोली प्रहार भएको थियो। अस्पतालमा उपचारका क्रममा शनिबार उनको निधन भएको छ।
अटोग्राफ दिँदै गर्दा लगातार तीन राउन्ड गोली प्रहार भएपछि क्रिस्टिनाका भाइले हत्यारालाई पक्रन खोज्दा उसले पनि आफ्नै कन्चटमा गोली हानेको थियो। ओल्र्यान्डो प्रहरीका अनुसार परिचय नखुलेको उक्त हत्याराको पनि मृत्यु भएको छ।
पाँच वर्षअघिदेखि औपचारिक रुपमा संगीतमा लागेकी क्रिस्टिनाले थुप्रै अवार्ड हात पारिसकेकी छिन्।
No comments:
Post a Comment