sher bahadur deubaकाठमाडौँ– वर्तमान सरकार ढाली राष्ट्रिय सहमतिमा नयाँ सरकार निर्माण गर्न व्यवस्थापिका संसद्को सबैभन्दा ठूलो र प्रमुख प्रतिपक्षी दल कांग्रेसले भित्रभित्रै रणनीति बनाइरहेको छ । गत फागुनमा सम्पन्न १३औँ महाधिवेशनबाट पार्टी सभापतिमा निर्वाचित शेरबहादुर देउवाले वैशाखमै सत्ता ढाल्न गरेको प्रयास अपरिपक्व कदमका कारण असफल भएपछि अहिले आन्तरिक व्यवस्थापन चुस्त–दुरुस्त बनाई भित्रभित्रै सत्ता ढाल्ने रणनीति बनाइरहेका उनीनिकट नेताहरू बताउँछन् ।
देउवानिकट नेता बालकृष्ण खाण प्रमुख प्रतिपक्षी दल भनेको संसदीय व्यवस्था भएको मुलुकमा ‘छायाँ सरकार’ भएको भन्दै सरकारका ककजोरी पत्ता लगाएर अप्ठ्यारो पमरी आफ्नो पल्ला भारी बनाउन लागिपर्नु उसको कर्तव्य भएको बताउँछन् ।
कांग्रेसको अको नीति के हो भनेर जिज्ञासा राख्ने पार्टीका कार्यकर्ता र पत्रकारको जिज्ञासामा नेता खाणको सहज जवाफ हुन्छ, ‘प्रमुख प्रतिपक्षी दल भनेको संसदीय व्यवस्था भएको मुलुकमा छायाँ सरकार हो । उसले सरकारका कमीकमजोरी औँल्याएर जनतासमक्ष पु¥याउने काम गरिरहन्छ ।’
अहिले भने सभापति देउवाले पार्टीमा आफूलाई सहयोग गर्ने नेताहरूको लेयर बनाएर वर्तमान सरकार कसरी ढाल्ने, संविधानको प्रभावकारी कार्यान्वयन गर्नका लागि कुन–कुन दल सम्मिलित सरकार बनाउने, संविधानमा असन्तुष्टि जनाएर आन्दोलन गरिरहेका मधेसकेन्द्रित दललाई कसरी सहमतिमा ल्याउनेलगायत विषयमा आन्तरिम रूपमा नीति बनाइरहेको बूढानीलकण्ठ स्रोतले बतायो ।
0 comments:
Post a Comment